अरुण भ्याली हाइड्रोपावर कम्पनीले हकप्रद शेयरमा नबिकेको शेयर लिलामीमा विक्री गर्ने भएको छ ।

कम्पनीले ४ लाख ३६ हजार ८८४ कित्ता शेयर लिलामीमा विक्री गर्ने छ । कम्पनीले ५२ लाख ४१ हजार १९७ कित्ता हकप्रद शेयर गत वैशाख ६ गतेदेखि जेठ २ गतेसम्म निष्कासन गरेको थियो ।

उक्त हकप्रद शेयरमा रितपूर्वक आवेदन दिने २२ हजार ७०६ जना शेयरधनीले ४८ लाख ४ हजार ३१३ कित्ता शेयर पाएका थिए । सो आधारमा विक्री नभएको शेयर लिलामीमा आउने भएको हो ।हकप्रद शेयर निष्कासन बाँडफाँट पछि कम्पनीको चुक्तापूँजी रू. १ अर्ब ५७ करोड २३ लाख ५९ हजार पुगेको छ ।

यो पनि ; अरुण भ्याली हाइड्रोपावर डेभलपमेन्ट कम्पनी लिमिटेड (AHPC) ले बैशाख ६ गते देखि हकप्रद शेयर निष्काशन तथा बिक्री खुला गरेको हो । कम्पनीले हाल कायम एक कित्ता शेयर बराबर नयाँ ०.५ कित्ता शेयरको अनुपातमा हकप्रद शेयर निष्काशनगरेको थियो ।

यसअनुसार कम्पनीले एक सय रुपैयाँ अंकित दरका ५२ करोड ४१ लाख १९ हजार ७०० रुपैयाँ बराबरको ५२ लाख ४१ हजार १९७ कित्ता हकप्रद जारी गर्नेछ।हकप्रद निष्काशनका लागि कम्पनीले चैत ९ गते शेयर दाखिला खारेजी (बुकक्लोज) गरेको थियो। यसअनुसार चैत ८ गतेसम्म कायम यस कम्पनीका शेयरधनीहरुले मात्र उक्त हकप्रदमा आवेदन दिन सक्नेछन्।

कम्पनीको हकप्रद शेयरको बिक्री प्रबन्धकमा मुक्तिनाथ क्यापिटल लिमिटेड रहेको छ। हकप्रदमा मुक्तिनाथ क्यापिटल, अरुण भ्याली हाइड्रोपावर डेभलपमेन्ट कम्पनी, ट्रेड टावर, थापाथली, मुक्तिनाथ विकास बैंकका तोकिएका शाखा कार्यालयबाट आवेदन दिन सकिनेछ। यसका साथै धितोपत्र बोर्डबाट आश्वा अनुमति प्राप्त बैंक तथा वित्तीय संस्थाका अलवा मेरोशेयर सफ्टवेयर मार्फत बैशाख २६ गतेसम्म आवेदन दिन पाउनेछन्।

हकप्रद शेयर निष्काशनका लागि गराएको रेटिङ्गमा केयर रेटिङ्ग नेपालले कम्पनीलाई केयर एनपी डबल बी प्लस इस्यूअर रेटिङ्ग प्रदान गरेको छ। यसले कम्पनीको दायित्व वहन गर्ने क्षमतामा औषत जोखिम रहेको संकेत गर्दछ।

हाल १ अर्ब ४ करोड ८२ लाख ३९ हजार ४०० रुपैयाँ रहेको यस कम्पनीको चुक्ता पूँजी हकप्रद निष्काशनपछि १ अर्ब ५७ करोड २३ लाख ५९ हजार १०० रुपैयाँ पुग्नेछ।

प्रतिक्रिया दिनुहोस